Partneriaeth Datblygiad Proffesiynol

Bydd DGC/Camau mewn Amser yn hwyluso partneriaethau rhwng rhai dan hyfforddiant a goruchwylwyr ym maes dawns gymuned gyda'r bwriad o greu cyfle newydd i gael hyfforddiant o safon yng Nghymru. Bydd DGC yn cefnogi'r cynllun yn ariannol ac yn helpu i'w reoli.

Buddiannau i'r hyfforddai - Cyfle i:

Ddilyn rhaglen bwrpasol o ddatblygiad proffesiynol
Magu mwy o hunan-hyder ac annibyniaeth
Dysgu sgiliau newydd mewn cyd-destun cefnogol ac ymarferol
Derbyn hyfforddiant 'yn y swydd' gan ymarferwyr proffesiynol ar sail un-i-un
Ennill profiad ymarferol
Ehangu eu rhwydwaith o gysylltiadau yn y broffesiwn

Buddiannau i'r goruchwylydd - Cyfle i:

Rannu sgiliau a phrofiadau
Datblygu sgiliau mentor, cynghori a chwnsela
Ystyried arfer da
Gweithio gyda hyfforddai ymrwymedig a brwdfrydig
Cynorthwyo ā datblygu cyfleoedd hyfforddi o safon i ddawns gymuned yng Nghymru

Sut mae'r cynllun yn gweithio:

Bydd darpar-oruchwylwyr yn gallu cysylltu ā DGC i gynnig partneriaeth datblygiad proffesiynol
Gellir rhoi darpar-hyfforddai mewn cysylltiad ā goruchwylydd
Gall goruchwylydd a hyfforddai fynd at DGC gyda'i gilydd am gymorth gyda phartneriaeth datblygiad proffesiynol benodol
Gall DGC gysylltu ā darpar-oruchwylydd neu ddarpar hyfforddai i awgrymu partneriaeth datblygiad proffesiynol

Y broses:

Bydd DGC yn trefnu cyfarfod rhwng yr hyfforddai a'r goruchwylydd i gytuno ar nodau ac amcanion a sicrhau fod pawb sy'n ymwneud ā'r cynllun wedi cytuno ar agenda glir
Bydd DGC yn helpu i lunio amserlen wedi ei chynllunio'n ofalus i roi'r profiadau angenrheidiol er mwyn cyflawni'r amcanion a nodwyd
Bydd fframwaith glir yn cael ei chreu a fydd yn sicrhau fod hynt a datblygiad yr hyfforddai yn cael eu monitro a'u gwerthuso'n ofalus

Dylai'r amserlen ar gyfer y cyfnod gwaith gynnwys yr elfennau a ganlyn:

Dilyn a gwylio'r goruchwylydd wrth ei g/waith ymarferol a gweinyddol
Dilyn a gwylio gwaith ymarferwyr proffesiynol eraill sy'n cynnwys dewis amgen o weithgareddau dawns neu waith gyda grwpiau amgen
Magu profiad ymarferol drwy redeg gweithgareddau dawns a gwneud peth o'r gwaith gweinyddol, o dan oruchwyliaeth
Mynychu dosbarthiadau a pherfformiadau i ddysgu sgiliau/arddulliau dawns newydd
Parhau i loywi sgiliau a chynnal ffitrwydd yr hyfforddai
Cyflwyniad i faterion Iechyd a Diogelwch, Ymwybyddiaeth o Anabledd, a Chyfleoedd Cyfartal
Amser i fyfyrio ar brofiadau a datblygiad
Amser i drafod materion allweddol yn ymwneud ag arwain dawns yn y gymuned
Proses o fonitro a gwerthuso llwyddiant a datblygiad
Digwyddiadau hyfforddi perthnasol eraill

Cymorth Ariannol:

Bydd Camau mewn Amser yn cefnogi myfyrwyr yn ystod eu cyfnod gwaith drwy gynnig cymorth ariannol i sicrhau eu bod yn gallu ymrwymo i'r bartneriaeth a rhoi'r amser angenrheidiol iddi
Bydd y tāl a negydir ar gyfer yr hyfforddai yng nghyffiniau £4.00 yr awr
(e.e. £60.00 yr wythnos - lleiafswm o 16 awr o amser cyswllt (16 - 20 awr)
Bydd y cyfnodau gwaith fel rheol yn para o 1 i 3 mis

Dylai Hyfforddai fod:

Yn 18 oed neu'n hyn
Yn byw neu weithio yng Nghymru yn bennaf
Eisoes wedi derbyn hyfforddiant ffurfiol mewn dawns
Ag ymrwymiad i ddatblygu gyrfa fel ymarferydd Dawns Gymuned

Dylai Goruchwylydd fod:

Ag o leiaf 5 mlynedd o brofiad gwaith proffesiynol perthnasol
Yn byw neu weithio yng Nghymru yn bennaf
Eisoes yn gweithio fel ymarferydd Dawns Gymuned

Os hoffech gael gwybodaeth bellach neu sgwrs anffurfiol ynglyn ā'r cynllun yma, cysylltwch ā'r

Cydgysylltydd Hyfforddi yn DGC,
Sbectrwm,
Heol y Bwlch,
Y Tyllgoed,
Caerdydd,
CF5 3EF
Tel: 029 20 575 075
Ffacs: 029 20 575 073
E-bost: info@communitydancewales.com

Caiff pob cais ei bwyso a'i fesur yn erbyn y meini prawf penodedig a'i asesu gan 'Grwp Llywio'r Camau' a bydd penderfyniad hwnnw yn derfynol. Gellir ymgeisio ar unrhyw adeg yn ystod y flwyddyn, ond cofiwch fod yr arian sydd ar gael ar gyfer y cynllun yma yn gyfyngedig.

Gallwch gael y wybodaeth yma yn Saesneg, mewn print mawr ac mewn e-bost hefyd.